जालना | प्रतिनिधी - देशातील सर्वात मोठी फेरस आणि नॉन-फेरस डेटा एजन्सी असलेल्या 'बिगमिंट' (Bigmint) या संस्थेच्या प्रतिष्ठित 'फेरस वीक २०२५' (Ferrous Week 2025) परिषदेत जालना येथील कालिका स्टील्सचे संचालक गोविंद गोयल यांना विशेष वक्ता म्हणून आमंत्रित करण्यात आले होते. या परिषदेत गोयल यांच्या योगदानाबद्दल बिगमिंटचे संचालक सुमित अग्रवाल यांनी त्यांचा विशेष सत्कार केला.
गोविंद गोयल यांचा सन्मान
जालना जिल्ह्यातील उद्योगासाठी हा एक मोठा गौरव मानला जात आहे. कालिका स्टील्सच्या माध्यमातून गोविंद गोयल यांनी स्टील उद्योगात मोठे योगदान दिले आहे. त्यांच्या या कार्याची दखल राष्ट्रीय स्तरावर घेतली गेल्याने जालना जिल्ह्याच्या औद्योगिक प्रगतीला एक नवी ओळख मिळाली आहे. बिगमिंट ही संस्था भारतातील स्टील क्षेत्राच्या प्रगतीसाठी सतत कार्यरत असून, अशा महत्त्वाच्या व्यासपीठावर गोयल यांना मिळालेले स्थान हे त्यांच्या कामाची पावती आहे.
About The Publisher
