जालना | प्रतिनिधी - महाबोधी महाविहार मुक्त झाला पाहिजे यासाठी नागपूर ते चैत्यभमी पर्यंत भंते विनायचार्य यांनी काढलेली पंचशील धम्म ध्वज जनसंवाद यात्रा ही शनिवार दि. 23 ऑगस्ट 2025 रोजी जालना शहरात दाखल झाली. दरम्यान या यात्रेचे जालन्यात जंगी स्वागत करण्यात आले. दुपारी 1 वाजता निघालेली पदयात्रा ही मंठा चौफुली, छत्रपती शिवाजी महाराज पुतळा, पाणी वेस, मस्तगड येथे दाखल झाली. तिथे डॉ. बाबासाहेब आंबेडकर यांच्या पुतळ्यास पुष्पहार अर्पण करुन रॅली गांधी चमन, शनिमंदीर मार्गे अंबड चौफुली येथे 4 वाजेच्या सुमारास दाखल झाली.
सदरील यात्रा ही अंबड चौफुली येथे आल्यानंतर गायत्री लॉन्स येथे रॅलीची जंगी स्वागत करण्यात आले. यावेळी यात्रेतील सहभागी भिख्खू संघाने उपस्थितांना मार्गदर्शन केले. बिहार मधील महाबोधी महाविहार मुक्ती च्या समर्थनार्थ जनसंवाद पंचशिल धम्म ध्वज यात्रा दि. 16 ऑगस्ट 2025 पासून नागपूर येथून सुरु करण्यात आली असून ती चैत्यभूमी मुंबई येथे जाणार आहे.
महाबोधी महाविहार मुक्ती आंदोलन तसेच बीटी अ‍ॅक्ट 1949 रद्द करणे ही मागणी घेऊन ही धम्म ध्वज, जनसंवाद यात्रा भंते विनाचार्य यांच्या नेतृत्वाखाली सुरु आहे. ही यात्रा शनिवार दि. 23 ऑगस्ट 2025 रोजी जालना शहरात शासकीय विश्रामगृह, अंबड चौफुली येथे मुक्कामी थांबणार असून ती दुसर्‍या दिवशी रवाना होणार आहे. यावेळी गायत्री लॉन्स येथे मोठ्या प्रमाणात उपासक, उपासीकांची उपस्थिती होती. About The Publisher
