जालना । प्रतिनिधी - दर्पणकार बाळशास्त्री जांभेकर यांची गुरुवार (दि 20) रोजी जयंती साजरी करण्यात आली. या दिनाचे औचित्य साधून दर्पणकार बाळशास्त्री जांभेकर यांचा अर्धकृती पुतळा बसविणे व बस स्थानक- छ. संभाजीनगर या मार्गास त्यांचे नाव देण्यात यावे या मागणीचे निवेदन देण्यासाठी प्रेस कॉन्सील ऑफ महाराष्ट्र जालनाचे शिष्टमंडळ महानगर पालिकेत गेले. मा. आयुक्त उपस्थित नसल्यामुळे अतिरिक्त आयुक्तांना निवेदन देण्याच्या मानस होता. मात्र, या अतिरिक्त आयुक्त महोदयांकडे निवेदन स्विकारण्यासाठी वेळ नसल्याचे कळाले, त्यामुळे ओएस विजय फुलंब्रीकर यांना निवेदन देण्यात आले.
मुळात जालना महानगर पालिका अतिरिक्त आयुक्तांचे नेमके कार्य काय? याचा बोध अद्यापपर्यंत जालनेकरांना झालेला नाही. यापुर्वी देखील समााजिक कार्यकर्त्यांनी त्यांच्या नागरिकांसोबतच्या अरेरावीच्या भाषेबद्दल रोष व्यक्त केलेला आहे. सामान्य व गोर गरीब नागरिकांचे अतिक्रमण हटविण्यासाठी मनपा पुढाकार घेत आहे. धनदांडग्यांवर कारवाई का करत नाही? हे अनुत्तरीत आहे. शहर विद्रुपिकरणात भर घालणार्‍या अनाधिकृत जाहीरातबाजींवर कारवाई करण्याऐवजी त्यांना अधिकृत करण्यावर मनपाचा भर का आहे? शहरातील विविध बायपास व कॉलनीला लागून असलेले अंतर्गत रस्ते तसेच छत्रपती संभाजी नगर रोड - भोकरदन नाका - बसस्थानक यासह मंठा चौफुली, अंबड चौफुली, राजुर रोड, कन्हैय्यानगर- देऊळगाव राजा रोड या महामार्गावरील अंतर्गत रस्त्यांचे काय? याचा रेकॉर्ड मनपाकडे नाही का? असा प्रश्‍न उपस्थित होतो आहे.
About The Publisher
