जालना, (प्रतिनिधी) - धनगर समाजाचा अनुसूचित जमाती (ST) प्रवर्गात समावेश करण्याच्या मागणीसाठी जालना येथे सुरू असलेल्या आंदोलनाला आता काँग्रेस पक्षानेही पाठिंबा जाहीर केला आहे. या मागणीसाठी १७ सप्टेंबरपासून आमरण उपोषण करणारे श्री दीपक बोर्‍हाडे यांना काँग्रेसच्या वतीने पाठिंब्याचे पत्र देण्यात आले. खासदार डॉ. कल्याण काळे यांच्या वतीने पक्षाच्या स्थानिक नेत्यांनी हा पाठिंबा व्यक्त केला.
शासन आश्वासनांची आठवण
यावेळी बोलताना काँग्रेसचे नेते श्री. भाऊसाहेब काळे यांनी शासनाने धनगर समाजाला दिलेल्या आश्वासनांची आठवण करून दिली. ते म्हणाले की, "पहिल्याच मंत्रिमंडळ बैठकीत धनगर समाजाला ST प्रवर्गात आरक्षण देण्याचे आश्वासन देण्यात आले होते, मात्र अजूनही त्यावर कोणताही निर्णय झालेला नाही." आजच्या काळात या समाजाला शैक्षणिक, सामाजिक आणि आर्थिकदृष्ट्या न्याय देणे अत्यंत आवश्यक असल्याचे त्यांनी सांगितले.सर्वपक्षीय व सामाजिक संस्थांची मागणी
.jpg)
खासदार डॉ. कल्याण काळे यांचे आश्वासन
सध्या अतिवृष्टीमुळे नुकसान झालेल्या शेतकऱ्यांच्या पाहणी दौऱ्यावर असलेल्या खासदार डॉ. कल्याण काळे यांच्या वतीने श्री. भाऊसाहेब बापू काळे, श्री. राजेंद्र राख, श्री. अतिक भाई खान, श्री. कृष्णा पा. पडुळ, श्री. लक्ष्मण मसलेकर, श्री. निळकंठ वायाळ, श्री. बाबासाहेब आकात, श्री. गणेश कुलकर्णी, श्री. कल्याण तारडे, श्री. सोपान तिरुखे, श्री. ज्ञानदेव इंगोले आणि श्री. राम सिरसाठ यांनी उपोषणस्थळी भेट देऊन पाठिंब्याचे पत्र दिले. खासदार डॉ. कल्याण काळे यांनी लवकरच, म्हणजेच सोमवारी, या उपोषणस्थळी भेट देणार असल्याचे कळवले आहे.
About The Publisher
