बदनापूर (जालना) - 'नाकापेक्षा मोती जड' या म्हणीचा प्रत्यय बदनापूर तालुक्यात येत आहे. राज्याचे आमदार जनतेच्या प्रश्नांसाठी स्वतः उपलब्ध असताना, त्यांच्या स्वीय सहायकांचा (पीए) मात्र 'रुबाब' वाढल्याचे दिसत आहे. आमदार नारायण कुचे यांचे स्वीय सहायक (पीए) खंडागळे हे सर्वसामान्य नागरिकांचे फोन उचलत नाहीत, तर दुसरीकडे आमदार कुचे स्वतः फोन उचलून लोकांशी बोलतात. यामुळे जनतेत नाराजीचे वातावरण आहे.
गेल्या काही दिवसांपासून बदनापूर तालुक्यात ही चर्चा सुरू आहे. मतदारसंघातील अनेक नागरिक आपली कामे किंवा समस्या घेऊन आमदारांशी संपर्क साधण्याचा प्रयत्न करतात. थेट आमदारांना फोन लावल्यास ते नम्रपणे बोलतात आणि लोकांच्या समस्या ऐकून घेतात. मात्र, जेव्हा त्यांचे पीए खंडागळे यांना फोन केला जातो, तेव्हा ते 'पीए' असल्याचा रुबाब दाखवत फोन उचलत नाहीत, अशी तक्रार जनतेतून होत आहे.
About The Publisher
