जालना - तत्कालीन नगरपालिकेत अध्यक्षिने शेवटच्या सभेत आयत्या वेळेचे शेकडो बेकायदा विषय घेण्यात आले असून ते नियमबाह्य आहेत. नियमानुसार केवळ तीन विषय घेता येतात. याबाबत संबंधित मंत्रीमहोदयांकडे तक्रार केल्यानंतर चौकशी देखील लावण्यात आली आहे. मात्र चार महिने उलटले तरी काहीही झालेले नाही. या संदर्भात केव्हा कारवाई होईल अशी विचारणा आमदार अर्जुनराव खोतकर यांनी विधानसभेत केली.
सत्यता तपासून कारवाई करण्यात यावी, असे स्पष्ट निर्देश आपण नगर विकास खात्याच्या प्रधान सचिवांना देत आहोत असे यावेळी नगर विकास मंत्री तथा उपमुख्यमंत्री श्री एकनाथराव शिंदे यांनी सभागृहात सांगितले.
